Маскерано мураббийлик фаолиятидаги дастлабки совринни қўлга киритди

Ўтган йилнинг декабр ойидан бери у яқинда нуфузли COTIF турнирида ғолиб чиққан Аргентина ёшлар терма жамоасини бошқариб келмоқда.

Ушбу турнирда Аргентинадан ташқари Бразилия, Испания, Уругвай ва ҳатто Украинадан келган ёшлар терма жамоалари ва клублари иштирок этишди. Маскерано шогирдлари ғолиблик йўлида "УД Азира", "Валенсия" ва "Леванте"ни мағлуб этишди ҳамда финалда Уругвайни 4:0 ҳисобида доғда қолдирди.

Эслатиб ўтамиз, Маскерано футболчилик фаолиятида 2003 йилдан 2018 йилгача Аргентина терма жамоаси шарафини ҳимоя қилиб, жами 147 та ўйин ўтказган.