“Машъал” баъзи футболчиларга жавоб берди

 Жамоа аъзолари 22 январдан яна машғулотларни давом эттиришади.

Таркибдаги ўзгаришларга тўхталадиган бўлсак, жамоа сафида бир неча йилдан буён ўйнаб келаётган Акбар Ҳотамовга жавоб берилди. Бундан ташқари, ярим ҳимоячи Элдор Эргашев ҳам ўзига янги жамоа топиши мумкин.

Кўрикда қатнашганлардан Равшан Меҳмонов, Анвар Раҳимов, Аллаёр Реимов каби ўйинчилар “Машъал”да қолмайдиган бўлишди.

Андижонлик Ғиёс Комилов эса жорий мавсумни “Машъал”да бошлайдиган бўлди. Шунингдек, ўтган мавсумни “Олмалиқ” ва “Қизилқум” жамоаларида ўтказган Исроил Эргашев ҳам “газчилар”нинг навбатдаги йиғинига қўшилиши кутилмоқда.