Мартинелли: "Бразилия ниманидир ўзгартириши керак деб ўйламайман. Кейинги ўйинда шунчаки гол уриш керак"

"Менимча, биз ҳеч нарсани ўзгартиришимиз шарт эмас. Қилаётган ишимизни давом эттиришимиз керак. Кейинги ўйинда шунчаки гол уриш керак.

Аллақачон плей-оффда эканлигимизни билардик, лекин, албатта, ғалаба қозонишни хоҳлагандик. Яхши ўйнадик, лекин бир нечта имкониятларни бой бердик. Футбол шунақа: сиз урмасангиз, сизга уришади, сиз эса мағлубиятга учрайсиз.

Биз бу бундан сабоқ олиб, бор эътиборимизни 1/8 финал ўйинига қаратамиз", – деди Бразилия термаси вингери.

Бразилия 5 декабрь куни 1/8 финалда Жанубий Корея билан ўйнайди.