"Марсель" ҳимоячиси Саудия Арабистонига кўчиб ўтади

Франциянинг "Марсель" клуби ҳимоячиси Ренан Лоди Саудия Арабистонининг "Ал Ҳилол" жамоасига ўтади, дея хабар берди Фабрицио Романо.

Хабар қилинишича, 25 ёшли Лодининг трансфери бўйича келишув ҳужжатлари тез орада имзоланади. Бразилиялик футболчининг шартномаси 3,5 мавсум, яъни 2027 йилнинг июнигача мўлжалланган. "Марсель" 20 миллион евро олади.

Ренан Лоди жорий мавсум "Марсель" сафида 23 та ўйинда иштирок этди.