Марокаш ЖЧ-2030 финалини Испанияга бермоқчи эмас

Марокаш 2030 йилги Жаҳон чемпионлигини Испания ва Португалия билан биргаликда қабул қилади. Уругвай, Аргентина ва Парагвай эса илк учрашувларини ўз мамлакатларида ўтказади.

Гарчанд мундиал финали Марокашга тақдим этилган бўлса-да, Испания Футбол Федерацияси ҳал қилувчи учрашувни "Сантьяго Бернабеу"да ўтказилишига ишонч билдирмоқда.

Марокаш Футбол Федерацияси эса жаҳон чемпионатига мезбонлик қилувчи 6 стадион номини эълон қилди. Улардан бири Касабланкада қуриладиган стадион бўлиб, сиғими 113000 томошабинга мўлжалланган.

Ушбу улкан стадион қурилишига Марокаш ҳукумати ва мамлакатнинг ривожланиш бошқарув фонди ҳомийлик қилади. Жамғарма стадион қурилиши учун 450 млн евро бюджет ажратган. Марокаш оммавий ахборот воситаларининг ёзишича, Касабланкадаги янги стадион Африкадаги энг катта ва дунёдаги иккинчи йирик стадион бўлади.