Latest news

22:31Данни Блинд "Аякс"ни тарк этади  0 22:02Расман: "Барселона" собиқ футболчиси Ашурматов ва Машариповнинг жамоадошига айланди  2 21:22U-23 Осиё Кубоги саралаш босқичи. Ўзбекистон Қирғизистон билан дуранг ўйнади  68 21:09Суперлига 21-тур ҳакамлари расмийлари маълум. Марказий тўқнашувни ким бошқаради?  1 20:30Интервью. Жоэль Кожо: "Динамо"га қайтишим мумкин эди, лекин "Истиқлол"ни фақат "Нефтчи" рози қила олди"  4 20:00УEФА 11 сентябрь куни "Вильярреал" – "Барселона" ўйини қаерда ўтиши ҳақида қарор қабул қилади  3 19:38"Барселона" футболчиси жароҳати сабаб терма жамоа ихтиёрини тарк этди  2 19:10МЮ собиқ футболчиси Англия эмас, Конго ДР шарафини ҳимоя қиладиган бўлди  0 18:55Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  10 18:26"Челси" "Барселона" футболчисидан умидини узмаган  1 17:54Луческу – терма жамоалар тарихидаги энг ёши катта мураббий  0 17:25U-17 халқаро мусобақаси. Ўзбекистон Канадани пенальтилар сериясига кўра мағлубиятга учратди  8 16:59Мбаппе Анрига етиб олди  5 16:35Ўзбекистон МТЖ Panini билан ҳамкорлик қилади   7 16:13ФИФА президенти CAFA Nations Cup финалига келади  10

Маркус Рэшфорд: “Юнайтед”даги дебютимдан фахрланаман” News

Маркус Рэшфорд: “Юнайтед”даги дебютимдан фахрланаман”

“Манчестер Юнайтед” ҳужумчиси Маркус Рэшфорд тобора мухлислар ёқимтойига айланиб бормоқда. Англиялик ёш футболчи клуб телеканалинг “Футбол ва мен” лойиҳасида саволларга жавоб берди.


- Урган голларингиздан қай бирини энг яхши деб ҳисоблайсиз?

- Ўйлашимча, 15 ёшда эдим. Ўшанда мен ва шеригим тўпни майдон марказидан ўйинга киритдик. Кейин олдинга ташландик. Икки марта бир-биримизга тўп оширдик ва мен дарвозани аниқ нишонга олдим. Зарбам оддий чиқди, аммо унгача биз босиб ўтган йўл жуда ажойиб кўриниш олганди.

- Стадионга ташриф буюрган биринчи ўйинингиз қайси бўлган?

- Бу “Манчестер Юнайтед”– “Реал Мадрид” учрашуви эди. Жуда ёш бўлганман ва акам мени ўзи билан бирга олиб келганди. Бу Роналдо хет-трик қилган ўша машҳур баҳс бўлганди. Биринчи баҳсда менга омад кулиб боққан.

- “Флетчер Мосс Рейнжерс” ёшлар жамоасида ўйнаганингизни биламиз. Мактаб жамоаси учун майдонга тушганмисиз?

- Ҳа, дастлаб мактаб жамоаси учун ўйнаганман. Беш ёшда эдим, адашмасам. Кейин олти ёшлилар жамоасига ўтганман. Бу ажойиб даврлар эди, чунки мен билан бирга “Крю Александрия” каби академияларда шуғулланган болалар ўйнарди. Етти ёшимда мактаб жамоаси учун сўнгги марта майдонга тушганман. Кейин “Манчестер Юнайтед”га қўшилганим туфайли ўйнамаганман. Бошланғич мактабим “Баттон-Лейн” бўлган, ўрта мактабда эса “Сэйл Хай”га қатнаганман.

- Фаолиятингизда қайси воқеадан энг кўп фахрланасиз?

- “Манчестер Юнайтед”даги дебютимдан.

- Ўзингиз қатнашган энг яхши учрашувни айтиб берсангиз.

- Ўтган мавсумда “Сити” билан сафарда кечган беллашув. Ўшанда мен ғалаба келтирган тўпни киритгандим.

- Сиз тўқнаш келган энг қийин рақиб қайси?

- Индивидуал тарафдан “Арсенал”даги Лоран Косьельни. У менга қарши тўп тепган ҳимоячилар ичида энг қийин рақиб бўлган.

- Футболдаги энг катта орзунгиз нима?

- “Манчестер Юнайтед” билан Чемпионлар лигасини ютиш. Бу ажойиб бўларди!


Беҳзод НАЗАРОВ тайёрлади.

Rating: +4   

Comments

championat.asia
< show latest news
Яндекс.Метрика