Марко Милич: "Биздан талаб қилинган вазифани бажардик"
21 jan 2020 22:01
News

Марко Милич: "Биздан талаб қилинган вазифани бажардик"

Ўтган мавсумни "Қўқон-1912" клубида ўтказган Марко Милич бугун Тожикистоннинг "Истиқлол" жамоаси таркибида ОЧЛ саралаш босқичида "Локомотив"га қарши майдонга тушди.

Баҳс якунига етгач одатдагидек микст-зонада ўзбекистонлик мухлисларга бегона бўлмаган футболчи ўз фикрларини билдириб ўтди.

"Ҳамма кўрди. Ким қанақа ўйнади, нималар ўхшади. Танаффус пайтида кийиниш хонасида мураббийнинг кўрсатмаларини тингладик. Иккинчи бўлимда эса эркинроқ ўйнаб вазият яратишга уриндик. Рақибни тўлиқ ўрганиб чиққан эдик.

Ўйлаганларимиз ўхшади. "Истиқлол"да ажойиб футболчилар ва мураббийлар штаби йиғилган. Ғалабада барчанинг ҳиссаси катта. Кейинги босқичда "Ал Аҳли" билан қандай ўйнашимизни вақт кўрсатади. Бугун майдонда биздан талаб қилинган ишни бажардик",- деди сербиялик футболчи.

Абдулазиз Искандаров ёзиб олди