Мариано Диас Зиданнинг режаларига кирмайди, бироқ у "Реал"дан кетмоқчи эмас
25 jul 2019 13:34
News

Мариано Диас Зиданнинг режаларига кирмайди, бироқ у "Реал"дан кетмоқчи эмас

"Реал" бош мураббийи Зинедин Зидан ҳужумчи Мариано Диасга ишонч билдирмайди.

25 ёшли футболчи Халқаро чемпионлар кубоги доирасидаги "Бавария" (1:3) ҳамда "Арсенал" (2:2, 3:2 п) қарши ўйинларда майдонга тушмади.

"Мариано мени режаларимга кирмайди. У биз билан бирга машғулотларда қатнашмоқда ва мен таркибни шакллантириб олишим керак. Кўрамиз, учинчи ўйинда нима бўлади", - дейди Зидан.

Диаснинг ўзи клубни тарк этишни хоҳламаяпти. Олдинроқ эса ҳужумчига "Рома" қизиқаётганлиги тўғрисидаги хабарлар янграганди.

Футболчи якунланган мавсум 16та ўйинда майдонга тушиб, 3та гол уришга эришган.

Эслатиб ўтамиз, Диас 2017-2018 йилларни ижара асосида "Лион"да ўтказган.