Marca: Бэйл рози бўлди

Манбага кўра, 30 ёшли футболчи Хитой жамоаси билан 3 йиллик келишувга эришган. Шартномага кўра, Бэйл йилига 22 млн. евро маош олади. 

“Реалʼ эса ушбу трансфердан қанча маблағга эга чиқиши ҳозирча ошкор этилмаяпти. 

Аввалроқ, ҳужумкор ярим ҳимоячининг агенти Жонатан Барнетт мижози ижара асосида ҳеч қайси клубга ўтмаслигини, лекин, агар яхши таклиф тушадиган бўлса Бэйл тез орада мадридликларни тарк этишини айтганди. 

Маълумот ўрнида, Гарет Бэйл 2013 йили «Тоттенхем»дан «Реал»га клуб 100 млн. евро эвазига трансфер қилинганди. «Қаймоқранглилар»даги фаолияти давомида у 13 титулнинг соҳиби бўлди. 

«Цзянсу Сунин» бугун «Интер» ҳимоячиси Миранда билан шартнома имзолагани ҳақида хабар бергандик. 

Шунингдек, жамоа таркибида италиялик легионерлар Эдер, Габриэль Палетта ҳамда бразилиялик хавбек Алекс Тейшейра ҳаракат қилади.