Марат Мифтахуддинов: "Рақибнинг кучига тўғри баҳо бермадик"
24 jan 2021 16:25
News
Марат Мифтахуддинов: "Рақибнинг кучига тўғри баҳо бермадик"
"Ўйин тенг курашлар остида ўтди, деб ўйлайман. Ҳар иккала жамоада ҳам гол уриш учун имкониятлар бўлди. Шунчаки, вазиятлардан фойланилмаганлиги сабабли учрашув дуранг натижа билан якунланди. Бугун рақибнинг кучига етарлича баҳо бера олмаганимиз кўринди. Дурангнинг асосий сабабларидан бири ҳам шу. Зеро, футболчилар ўйингача ўзини руҳан тайёрлаб олмаса, учрашув давомида буни бажариш мушкул. Бугун ҳам шундай бўлди. Биринчи бўлимни ўзимиз хоҳлагандек ўтказа олмадик.
Танаффусдан кейин ҳаммаси жойига тушгандек кўрингандики, аммо барибир вазият ижобий томонга ўзгармади. Чунки айтганимдек, баҳс давомида руҳиятни ўзгартириш осон эмас. Аксинча, рақиб "Бунёдкор"дек жамоага қарши тўп сураётганини ҳис қилган ҳолда иштиёқ билан тўп тепди. Майдоннинг ҳар бир қаричи учун курашишди. Майдоннинг ҳолати жуда ёмон демаган бўладим. Боиси, қиш мавсуми учун табиий майдонларнинг ҳолати деярли шундай бўлади. Шунчаки, биз бугун ўзимизга ўхшамадик, бунинг натижаси ўлароқ ғалаба қозона олмадик. Бугунги дурангнинг фойдала томонлари ҳам бўлиши мумкин. Яъни, футболчилар кейинги учрашувларда бошқачароқ руҳиятда майдонга чиқишади. Рақибнинг кучига жиддий баҳо беради",- дейди Марат Мифтахуддинов.
Similar news
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
"Шармандалик, бу шармандалик!"
Португалия ЖЧ йўлланмасини қўлга киритганидан сўнг Роналду қисқа фикр билдирди
Comments