Марат Бикмаев “Локомотив” тарихида бир мавсумда энг кўп тўп киритган футболчига айланди

Эндиликда Ўзбекистон чемпионати юқори дивизиони “Суперлига” дея номланади.

Таъкидлаш жоизки, ортда қолган мавсумда “Локомотив” жамоаси олдинги чизиқ вакили – Марат Бикмаев Олий Лига доирасида 25та ўйинда майдонга чиқиб, 26та гол киритишга муваффақ бўлди. Бу орқали эса у “Локо” сафида бир мавсумда энг кўп гол киритган футболчига айланди. Бунга қадар Темурхўжа Абдухолиқов ўтган йилги чемпионатда 22та гол уриб, “Локомотив”нинг Олий Лигадаги энг сермаҳсул футболчиси номини ўзида сақлаб турган эди.

“Локомотив”нинг барча мавсумдаги тўпурарлари:
(Олий Лига)
2004 йил – Марсель Идиатуллин – 7та
2005 йил – Марсель Идиатуллин – 11та
2006 йил – Марсель Идиатуллин – 12та
2007 йил – Илҳом Мўминжонов – 5та
2008 йил – Олим Навкаров – 9та
2009 йил – Музаффар Умрзоқов – 10та
2010 йил – Арам Восканян, Музаффар Умрзоқов – 3та
2012 йил – Зайниддин Тожиев – 12та
2013 йил – Фарҳод Тожиев – 17та
2014 йил – Фарҳод Тожиев – 13та
2015 йил – Санжар Шоаҳмедов – 14та
2016 йил – Темурхўжа Абдухолиқов – 22та
2017 йил – Марат Бикмаев – 26та