Марат Бикмаев: “Австралия ютиб бўлмайдиган жамоа эмас”
25 jan 2020 10:04
News
Марат Бикмаев: “Австралия ютиб бўлмайдиган жамоа эмас”
Турли мутахассислар, футболчилар, мураббийлар бўлажак ўйин ҳақида мулоҳазаларини билдиришмоқда.
Биз шу ўринда, ўз вақтида олимпия терма жамоаси билан Пекин-2008 Олимпиадаси саралаш босқичида иштирок этган Марат Бикмаевнинг фикрлари билан қизиқиш мақсадида футболчига мурожаат қилдик.
“Олимпиадага чиқиш учун охирги имконият қолди. Агар уддасидан чиқа олмасак яна тўрт йил кутишимизга тўғри келади. Ҳамма бор эътиборини шу ўйинга қаратиши керак. Рақиб Австралияни у қадар кучли демаган бўлардим. Уларнинг Кореяга қарши ўйинини кўрдим. Худди биздек жамоа, ҳеч қандай устун томони йўқ. Майдонда футболчилар жонини бериб ҳаракат қилса юта оламиз. Кўпчилик болларга босим қилмоқда. Йигитлар ютқазиб қўйсак нима бўлади, гол урмасак нима бўлади деб ўйлашмоқда. Яъни кучли босим билан майдонга чиқишмоқда. Уларга умуман тегиш керак эмас. Саудия Арабистонига ютқазишди, шу билан ҳаёт тўхтаб қолгани йўқ-ку. Айтмоқчиманки футболчилар ҳотиржам тайёргарлик кўрсин, Австралия ютиб бўлмайдиган жамоа эмас. Насиб қилса ғалаба биз томонда бўлади”, - деди “Локомотив” клуби аъзоси.
Абдулазиз Искандаров ёзиб олди

Similar news
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
Cуперлига. "Нефтчи" Фарғонада "Сурхон"ни мағлуб этиб, чемпионлик учун курашни давом эттирадиган бўлди
Суперлига. Шиддатли кечган Пойтахт дербисида "Пахтакор" "Бунёдкор"ни мағлуб этди
Ла Лига. "Барселона" ўз майдонида "Эльче"ни мағлуб этди
Comments