Марадона ФИФА президенти бўлмоқчи

Бу ҳақда уругвайлик журналист Виктор Моралес маълум қилди.

«Диего ўзгаришларни истамоқда ва ФИФАдаги коррупцияга қарши курашмоқчи. Шу боис ҳам президентликка ўз номзодини қўйди.

Марадонанинг авторитети жуда кучли», – дейди Моралес.

Эслатиб ўтамиз, 2 июнда Йозеф Блаттер ФИФАдаги коррупцион жанжал туфайли президентлик лавозимидан кетишга қарор қилганини маълум қилди. Янги президентлик сайловлари 16 декабрда бўлиб ўтади.

Аниқ сана 20 июль кунги ФИФА ижрои қўмитаси вақтида маълум қилинади.

Олдинроқ бу сайловда Зико ва Иордания шахзодаси Али бин Ал-Хуссейн ҳам ўз номзодларини қўйишини маълум қилишганди.