"Манчестер Юнайтед" Ҳарри Кейнга қизиқишини сақлаб қолади

"Қизил иблислар" бош мураббийи Эрик тен Ҳаг трансфер бозори очилиши билан ҳужумчи излашга киришади. Ёзги трансферлар ойнаси учун бу бош мақсад сифатида белгилаб олинди. Ҳозирда бир қатор вариантлар ўрганиб чиқилмоқда.

29 ёшли форварднинг шартнома ҳолати диққат билан кузатиб борилмоқда. Ҳарри Кейн келаётган ёзда "Тоттенхэм" билан амалдаги шартномасининг сўнгги йилига кириб боради. У 2018 йилда "шпорлар" билан 6 йиллик битимга имзо чеккан эди.

Мюнхеннинг "Бавария" клуби ҳам Ҳарри Кейн билан келишувга эришиш учун ҳаракат қилмоқда.

Инглиз футболчиси жорий мавсумда АПЛ вакили сафида жами 34 та ўйинда майдонга тушди ва 20 та гол уриб, 4 та ассист қайд этди.