"Манчестер Юнайтед" АПЛнинг энг дангаса жамоаси (статистика)
20 sep 2016 14:43
News

"Манчестер Юнайтед" АПЛнинг энг дангаса жамоаси (статистика)

"Манчестер Юнайтед" ўзининг сўнгги уч учрашувида мағлубиятга учради ва жамоа айни дамда АПЛ турнир жадвалининг 7-ўрнини эгаллаб турибди.

Кўпчилик бунга нима сабаб бўлаётганини ўзича тахмин қилишга уринмоқда. Биз эса ушбу ҳолатни рақамлар билан "чақиб" кўришга уриниб кўрдик.

"The Mirror" нашри эълон қилган статистик маълумотларга кўра, "қизил иблислар" Англия Премьер-лигасининг энг дангаса жамоаси экан. Инглиз нашри АПЛ клубларининг жорий мавсумда миллий чемпионат ўйинларида майдонда босиб ўтган масофаси ҳақидаги статистик маълумотларни эълон қилди. Унга кўра, Юрген Клопп қўл остидаги футболчилар 5 та учрашувда 581,6 км масофани босиб ўтиб, ушбу кўрсаткич борасида АПЛда етакчилик қилишмоқда. "Манчестер Юнайтед" эса рўйхатдан энг охирги ўринни эгаллаган. "Қизил иблислар"нинг 5 та ўйиндаги натижаси - 526,6 км.