"Манчестер Юнайтед" Ансу Фатига кўз тикмоқда

Ўтган ёзда Каталония клуби аъзоси Френки де Йонгни ҳар қанча уринмасин қўлга кирита олмаган манкунианлар энди "Барселона" келаётган ёзги трансферлар ойнасида Ансу Фатини қўйиб юборишга розилик билдиришига умид қилмоқда.

Фати "кўк-анорранглилар" билан 2027 йилгача кучда бўладиган шартномага эга, унинг ушбу келишувни бузиши учун товон пули қарийб 1 миллиард евро этиб белгиланган. Бироқ ҳужумчи жорий мавсумда кутилганидай ўйин кўрсата олмаяпти. У шу пайтгача жамоасининг 30 та ўйинида 6 та гол уриб, 3 та голли узатмани амалга оширди. Ҳужумчи ушбу ўйинларнинг атиги 9 тасида асосий таркибда майдонга туширилган.

Ҳозирча "Барселона" "қизил иблислар"дан бўладиган ҳар қандай таклифни эшитмаслиги мумкин. Лекин яқин бир неча ой ичида муҳим ўзгаришлар содир бўлиши мумкин. 

"Манчестер Юнайтед" юқори даражали ҳужумчи изламоқда. "Ювентус" форварди Душан Влаховичга ҳам қизиқишлар йўқ эмас. Бироқ клуб айнан Фатини улар хоҳлайдиган ҳужумчи эканига ишонишмоқда.