Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  20 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"Манчестер Сити"га ўтганидан сўнг, "уча олмаган" 8 футболчи News

"Манчестер Сити"га ўтганидан сўнг, "уча олмаган" 8 футболчи

"Сити"да омади келмаган футболчилар билан танишиб олинг.

Сўнгги ўн йилликда "шаҳарликлар" жуда кўп трансферларни амалга оширди. Жамоанинг ҳозирги мавқеига чиқишида испаниялик мутахассис Пеп Гвардиоланинг ҳам хиссаси катта. Лекин, баъзи харидлар ўзини оқламаган. Яъни, ушбу, бир оздан сўнг билиб оладиганингиз футболчилар "Манчестер Сити"га ўтганидан кейин, фаолиятида пасайиш кузатилган. Қуйида "Сити" мураббийлари кутганичалик жамоада "порлай олмаган юлдузлар" ҳақида сўз боради.

1. Нолито

"Сити"даги ўйинлари сони: 30

Ҳозирда қайси клубда тўп сурмоқда:  Севилья


"Сельта" сафида уч мавсумда 39 гол урган ва Испания таркибида Евро 2016 мусобақасида ўзини кўрсатганидан кейин, ўша йил ёзида Нолито Пеп Гвардиола қизиқишлари доирасига киради ва клуб билан шартнома имзолайди. Дастлаб, "Сити" клубидаги дебют учрашувлари муваффақиятли чиқаётгандек эди. Лекин, АПЛнинг 30 учрашувида 6 марта дарвоза тўрини нишонга олган Нолито мавқеини йўқотиб қўяди ва "Севилья"сафига бориб қўшилади.

2. Вильфред Бони

"Сити"даги ўйинлари сони: 46

Ҳозирда қайси клубда тўп сурмоқда:  "Сток Сити" (ижарада), "Суонси"


2014/2015 йилги мавсумнинг ўртасида "Манчестер Сити" аъзосига айланган африкалик футболчи 12 учрашувда 2 гол уради. Кейинги мавсумда ҳам ишончни оқлай олмайди (8 гол). Бунга асосий сабаб, жароҳатлар. Қийин даврини бошидан ўтказганидан кейин, Бони "Сток Сити"да ижара асосида тўп суради ва яна ўзининг собиқ жамоаси, Чемпионшипда кураш олиб бораётган "Суонси" клубига ўтади. 

3. Мангалья

"Сити"даги ўйинлари сони: 79

Ҳозирда қайси клубда тўп сурмоқда: "Валенсия" (ижара), "Эвертон" (ижара)


Мангалья биз санаб ўтаётган футболчилар орасида ҳали ҳам "шахарликлар"га тегишли икки футболчидан бири ҳисобланади. Ҳимоячи АПЛнинг сўнгги мавсумида "Сити" учун 9 марта майдонга тушган ва чемпионлик медалини қўлга киритган (гарчи январь ойида "'Эвертон"га ижарага бериб юборилган бўлса ҳам).  27 ёшли ҳимоячи "ирисчилар" сафида 2 ўйин ўтказганидан сўнг, жароҳат олади ва футболчилик фаолиятида пасайиш кузатилади.

4. Альваро Негредо

"Сити"даги ўйинлари сони: 46

Ҳозирда қайси клубда тўп сурмоқда:  "Ал Наср"


2012/13 йилги мавсумда "Севилья" таркибида 31 гол уриб, "Сити" назарига тушади. Лиганинг дастлабки 5 учрашувида 6 марта дарвозани ишғол этган Негредода пасайиш кузатилади ва мавсумни 9 гол билан якунлайди. Бошқа футболчилар соясида қолиб кетган испаниялик Ла Лигага қайтишга мажбур бўлади. Бу сафар "Валенсия"да ўзини кўрсата олмаган ҳужумчи Англиянинг "Мидльсбро" клубида омадини синаб кўради. Иккала жамоада ҳам ишлари яхши бўлмаганидан сўнг, ҳозир БААнинг "Ал Наср" клубида.

5. Майкон

"Сити"даги ўйинлари сони: 13

"Сити"дан кейин қайси клубда тўп сурди: "Рома"


"Интер"да 2009/10 йилги мавсумда ЕЧЛ ғолиби бўлганидан кейин, бразилиялик Майкон "Манчестер Сити"га олиб келинган эди. Аммо, "шахарликлар" сафида ўз имкониятини максимал даражада кўрсата олмаганидан сўнг, А Серияга, "Рома" клубига ўтишга мажбур бўлади ва ўз ўйинини йўқотиб қўяди.

6. Клаудио Браво

"Сити"даги ўйинлари сони: 44


Ҳозирда ҳам "Сити" аъзоси ҳисобланадиган Клаудионинг ишлари ўз исми-шарифи каби "браво" эмас. Сабаби, Эдерсон жамоага олиб келинганидан сўнг, заҳира футболчисига айланиб бўлди. Гвардиола "Сити"да унга ишонч билдирмаяпти. Табиийки, бу унинг формадан чиқиб кетишига сабаб бўлмоқда. 

7. Фернандо

"Сити"даги ўйинлари сони: 64

"Сити"дан кейин қайси клубда тўп сурди: "Галатасарой"


Фернандо "Порту" клубида 2007-2014 йилларда 4 марта Португалия чемпиони бўлган. 2014/15 йилги мавсумда "Сити" аъзосига айланган бразилиялик 64 учрашувда 4 гол уришга эришган. Бу таянч ярим ҳимоячи учун ёмон натижа эмас. Бироқ, 31 ёшли футболчи ўз позициясини ҳамюрти Фернандиньога рақобатда бой бериб қўяди. Ҳозирда "Галатасарой" жамоасида ўзининг аввалги формасига чиқиб олиш учун ҳаракат қилмоқда.

8. Жо

"Сити"даги ўйинлари сони: 42

"Сити"дан кейин қайси клубда тўп сурди: "Эвертон" (ижара), "Галатасарой", "Интернасьонал", "Атлетико Минейро"(Бразилия), "Ал-Шабаб" (БАА), "Цзянсу Сунин" (Хитой), Коринтианс (Бразилия), Нагоя Грампус (Япония)


2008 йил "Манчестер Сити" бразилиялик ҳужумчини Россиянинг "ЦСКА" клубидан сотиб олади. Ана шундан сўнг, футболчининг ишлари "чаппасига кетишни" бошлайди. Ўз даражасини йўқотиб қўйган Жо дунёнинг ҳар бир бурчагига бориб, омадини синаб кўради. 2013 йил ўз ватанига қайтиб "Атлетико Минейро"да 19 гол уради ва мухлисларнинг эътирофига сазовор бўла бошлагандек эди. Лекин, 31 ёшли форвардга бир жамоада кўп вақт мобайнида тўп суриш насиб этмаяпти. 


squawka.com сайтидан Нодир Абдурасулов тайёрлади

Rating: -1   

Comments

championat.asia
< show latest news
Яндекс.Метрика