Расман: "Манчестер Сити" навбатдаги трансферни эълон қилди

Раян Шерки "Манчестер Сити" сафига қўшилди. Англия клуби "Лион" ярим ҳимоячисининг трансфери ҳақида расман эълон қилди. Томонлар 2030 йилгача амал қиладиган шартнома имзоладилар.

Француз томоннинг маълум қилишича, келишув қиймати 36,5 миллион еврони ташкил этган, яна 6 миллиони бонус сифатида тўланиши мумкин. Бундан ташқари, "Лион" футболчининг кейинги трансферидан тушган маблағнинг 15 фоизини олади.

Раян Лига 1'нинг ўтган мавсумида 30 та ўйинда иштирок этиб, 8 та гол урди ва 11 та голли узатма берди.