"Манчестер Сити" Флориан Вирц билан музокараларни бошлади

"Байер" клуби ярим ҳимоячиси Флориан Вирц ва "Манчестер Сити" клуби музокаралар ўтказмоқда. Бу ҳақда Football Insider нашри хабар берди. 

Манбанинг маълум қилишича, айни дамда "шаҳарликлар" Вирц учун курашга қўшилишган. Ярим ҳимоячига "Бавария" жиддий қизиқиш билдираётгани хабар қилинганди, "Сити" эса мюнхенликлар билан курашга тайёр. Ушбу мавсум унчалик ҳам омади юришмаётган "Манчестер Сити" янги мавсумда таркибда жиддий кучайтиришларни амалга оширмоқчи. Вирц айнан шу мақсадда ташланган қадам бўлади.

Маълумот учун, Вирц ушбу мавсум барча мусобақаларда 39 та ўйинда майдонга тушди ҳамда 15 та гол ва 13 та ассист қайд этди.