Манба: Глейзерлар МЮни сотишга тайёр

"Sky Sports" хабарига кўра, Глейзерлар оиласи тез орада "Манчестер Юнайтед"ни қисман ёки тўлиқ сотиш имкониятини қидираётганини эълон қилади. Шунингдек, улар ташқи сармоя ёки учинчи томон билан ҳамкорлик қилиш имкониятларидан манфаатдор.

Глейзерлар 2005 йилда "Манчестер Юнайтед"ни 790 миллион фунтга сотиб олишган. Шу билан бирга, америкалик ишбилармонлар ушбу шартнома учун пулни кредитга олиб, клуб даромади ҳисобидан тўлашди.

"Манчестер Юнайтед"нинг бозор капиталлашуви ҳозирда 1,81 миллиард фунтга баҳоланмоқда. Глейзерлар 5 миллиард фунт стерлингдан бошланадиган савдо таклифларини кўриб чиқишга тайёр.