"Малага" топ-7 лига орасида қуйи лигага тушган илк жамоа бўлди

Андалусия жамоаси чемпионат тугашига 5 тур қолганида қуйи лигага тушиб кетди. "Малага" 17 очкога эга ва 18-ўриндан юқорига кўтарила олмайди. Жамоа Ла лигада кетма-кет 10-мавсумни ўтказди ва 2012 йилда энг юқори ўзи учун 4-ўринни олганди. "Малага" Европанинг топ-7 лигалари орасида қуйига тушган биринчи жамоа бўлди. Тез орада "Беневенто" (А Cерия) ва СКА-Хабаровск (РФПЛ) клубларининг тақдири ҳал бўлади.