Latest news

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Максим Шацких: "Йирик ҳисобда ғалаба қозонишимиз керак эди" News

Максим Шацких: "Йирик ҳисобда ғалаба қозонишимиз керак эди"

"Пахтакор" ҳамда "Металлург" ўртасидаги Суперлиганинг 17-тур ўйинидан (1:0) сўнг мезбон жамоа устози Маким Шацких матбуот анжуманида иштирок этди.

Максим Шацких: "Ўйинни тўлиқ назорат қилдик. Масалани биринчи бўлимдаёқ ҳал қилишимиз керак эди. Рақиб катта куч билан ҳимояланишини ва қарши ҳужумда ўйнашини билардик. Шу сабабли дарвозамиз олдида ҳам ярим вазиятлар пайдо бўлди. Йирик ҳисобда ғалаба қозонишимиз керак эди."

- Бугун қайсидир маънода зерикарли ўйин кўргандек бўлдик. Суперлиганинг кўплаб ўйинлари фақат натижа учун бўлмоқда ва баҳслар зерикарли кўриняпти. Бу турнир даражаси ва томошабоплигига салбий таъсир кўрсатадими?

- Даража анча баланд. Исталган рақиб билан баҳс оғир ўтяпти. Тўғри, кам гол уриляпти ва бу мухлисларга ёқмаслиги мумкин. Бироқ сўнгги сониягача интрига сақланиб турибди. Аммо бу биз мураббийлар учун ёқимли ҳолат эмас. Бугун ишончли ўйин намойиш этдик. Ҳозир томошабоп ўйиндан 3 очко муҳимроқ. Айни дамда сўнгги пасда муаммолар бор.

- Сўнгги баҳсларда Элдор Суюнов хатто қайдномага ҳам киритилмаяпти. Бу нима билан боғлиқ, унда жароҳат борми?

- У иккинчи жамоамиз сафида шуғулланяпти. Ўзига бўлган талабни тушириб юборди. Бошқа ҳеч нарса дея олмайман.

- "Насаф"га қарши Суперкубок баҳсига тайёргарлик қандай кечади? Яқинда уларга қарши ўйнадингиз, қандай хулосалар чиқардингиз?

- Керагини олдик. Ўйин кўрсатади. Улар томонидан ҳеч нарса ўзгармаса керак, биз бироз агрессивроқ бўлишимиз лозим. Ўйин чемпионатдагидан бошқача кечади деб ўйлайман. Бу битта ўйинли турнир. Ҳар бир ўйинга финалдагидек чиқиш лозим, шунда ўсишга эришамиз.

- Август бошидаги иккита мағлубиятдан сўнг жамоа "чуқур"га тушиб қолгандек эди. Бироқ "Пахтакор" сўнгги уч ўйинда 2та ғалаба ва битта дурангга эришди.

- "Чуқур"да бўлмаганмиз, шунчаки муваффақиятсиз старт бўлган. Ўйинларни яхшилаб томоша қилинг, омад етишмаган. Кўп вазиятлар яратганмиз, "чуқур" деган гап йўқ. Йиғинлардан сўнг чемпионат баҳсларига киришиб кетиш қийин бўлади. Ўртоқлик ва расмий ўйиннинг фарқи бор. Йиғинларда хато қилсангиз ҳеч қиси йўқ, майли. Асосийси қандай мағлубиятга учраганингизни тушуниб олишингиз муҳим. Ҳа, кутганимиздек старт ололмадик. Бироқ "Пахтакор" - чемпион. Жамоамиз иродали эканлигини бир неча маротаба исботладик. Ҳозир ҳаммаси ўзимизга боғлиқ. Йигитларда маҳорат етарли. Таркибда терма жамоа футболчилари етарлича. Асосийси хоҳиш.

Rating: +12   

Comments

championat.asia
< show latest news
Яндекс.Метрика