Макелеле фаолиятида муҳим ўрин тутадиган мураббий кимлигини айтди
23 jun 13:17
News

Макелеле фаолиятида муҳим ўрин тутадиган мураббий кимлигини айтди

"Пари Сен-Жермен" ва Франция терма жамоаси собиқ ярим ҳимоячиси Клод Макелеле Бразилия терма жамоаси бош мураббийи Карло Анчелоттини мураббийлик фаолиятига таъсир кўрсатган устози деб атади.

"У мен учун мураббийлик касби эшигини очди. Соатлаб кузатишлар, суҳбатлар... Карло менга асосий нарсани ўргатди: футбол – инсонлар учун. Тактикага интилишда кўпчилик бу ҳақиқатни унутади. У футболчиларни шунчаки футболчи сифатида таҳлил қилмайди, уларнинг шахсий ҳикояларини тушунади. Бу донишмандлик буюк мураббийларни бошқалардан ажратиб туради", – деди Макелеле.

Унинг сўзларига кўра, у 2011-2012 йилларда Париж клубида ёрдам берган италиялик Карло Анчелоттини жуда қадрлайди. Умуман олганда, Макеле 2014 йилгача Париж клубида мураббий ассистенти бўлиб ишлаган.

Макеле "Реал", "Челси" ва Франциянинг "Марсель", ПСЖ клубларида тўп тепган. Мураббий сифатида "Бастия" ва «Эйпен" каби жамоаларда фаолият юритган. Ўтган йили Грециянинг "Астерас" жамоасини бошқарди.

Link :

Source : fifa.com

Receive latest football news directly on your phone. Subscribe for our Telegram channel!

Rating: +1