Маҳди Али: "Ўйин қизиқ ва оғир ўтди"

Дастлаб меҳмонлар устози Маҳди Али журналистлар саволларига жавоб қайтарди.

"Яна бир бора икки терма жамоани Осиё Кубоги йўлланмасини қўлга киритганлиги билан табриклайман. Ўйин қизиқ ва оғир ўтди. Иккинчи таймда биринчисиникига нисбатан яхши ҳаракат қилдик. Асосий таркибнинг бир неча ўйинчиларининг йўқлигига қарамай, иккинчи бўлимдаги ўйинимиздан қониқиш ҳосил қилдим. Аслида ғалаба қозонишимиз ҳам мумкин эди. Аммо сўнгги дақиқаларда ғалабани қўлдан бой бердик", - дейди Маҳди Али.

- Сиз Ўзбекистон олимпия терма жамоасига мураббийи сифатида Ўзбекистон ОТЖ жамоасига қарши бир неча маротаба баҳс олиб борган эдингиз. Сиз учун ОТЖ кучли ўйин кўрсатармиди ёки МТЖ? Боиси биз айнан мана шу авлодимизни йўқотиб қўйдик, Тўхтахўжаев ва Нагаевни инобатга олмаганда?
- Афсуски мен бу саволга жавоб бера олмайман. Чунки бу позицияда эмасман. Ўзимизни терма жамоамиз ҳақида гапирсам, бизда ҳозир 8 нафар футболчи асосий таркибда ҳаракат қиляпти. Ўша жамоангизни ёдга олсам, яхши жамоа эди. Футболчини 23 ёшгача захирада ушлаб ўтиришдан наф йўқ. Улар ўйнайдиган ёшдалар ва майдонга тушишлари керак.

- Техник тактик жиҳатдан ўйин кўнгилдагидек бўлмагандек?
- Бунга майдоннинг бугунги кундаги ҳолати таъсир қилди. Яна бир сабаб, бугун тенг кучли икки терма жамоа баҳс олиб борди. Кўпроқ эса майдон ҳалақит қилди.

- Бугун дуранг бўлди, буни ғалабадек қабул қилдингизми?
- Дуранг ҳам катта меҳнат эвазига қўлга киритилди. Ҳар қандай натижани уни борича қабул қилиш керак. Ўйин аввалида ғалаба қозонган қозонишни мақсад қилсакда, борига шукр қилиш керак. Аҳмедов ва Ҳайдаров марказни биринчи бўлимда бизга бермадилар. Иккинчи бўлимда эса тактикамизни бироз ўзгартирдик.