Магуайрга уйида бомба борлиги ҳақида хабар беришди

"Манчестер Юнайтед" клуби ҳимоячиси Харри Магуайрга унинг уйида бомба борлиги ҳақида хабар қилинган. Таҳдид қилувчи футболчининг аёли ва икки фарзанди яшовчи уйда портлаш бўлишини айтган. Харри буни жиддий қабул қилиб, полицияга қўнғироқ қилган.

Полиция уйни кўздан кечирганда, у ердан ҳеч нарса топилмаган. Уйдагиларни эвакуация қилишнинг ҳам кераги бўлмаган. Футболчининг вакили Харри кейинги ўйинга одатдагидек тайёрланишини ва бу воқеа борасида изоҳ бермаслигини маълум қилган.