Лутфулла Тўраев: "Нефтчи"ни ўзимиз туширдикми, ўзимиз юқорига олиб чиқамиз. Ортга йўл йўқ"

Биринчи даврани муваффақиятсиз ўтказган жамоа янги мураббий Виталий Левченко қўл остида пухта тайёргарлик кўряпти. Жамоанинг тажрибали етакчи футболчиларидан бири Лутфулла Тўраев кечаги машғулот олдидан фикрларини билдириб ўтди. 

- "Нефтчи"нинг биринчи даврадаги ўйинлари ҳақида...

- Ҳаммаси маълум. Ортиқча изоҳга ҳожат йўқ. 13 ўрин биз учун яхши эмас. Ўзимиз шу "чуқур"га олиб тушдикми, ўзимиз олиб чиқамиз. Ортга йўлимиз қолмаган. 

- Муваффақиятсизликка нималар сабаб бўлди, деб ўйлайсиз?

- Сабаблари кўп. Биринчи ўринда жароҳатлар панд берди. Шу боис ўз ўйинимизни кўрсата олмадик.

- Виталий Левченко ҳақида дастлабки таассуротлар қандай?

- Ҳозирда кўпроқ тикланишга эътибор қаратяпмиз. Ўртоқлик учрашувлари орқали ўйинимизни шакллантириб борамиз.

- Иккинчи даврадан шахсан ўзингиз нима кутяпсиз?

- Фақат ғалаба. Клубни аввалги мавқеини тиклашимиз лозим. Бундай ўринлар бизга ярашмайди. Ҳар бир ўйинда максимал ҳаракат қиламиз.