Лутфулла Тўраев - Малайзия вице-чемпиони!

Унда "Жохор Дарул Таъзим" клуби кетма-кет учинчи марта чемпионликка эришди.

Ҳамюртимиз Лутфулла Тўраев фаолият олиб борган "Фельда Юнайтед" клуби эса ўз тарихида илк бор совриндорлар қаторига кирди. Жамоа Малайзия вице-чемпиони бўлди.

Тўраев Малайзиядаги илк мавсумида кумуш медалларига эга чиқди. Футболчи 16та ўйинда майдонга тушиб 8та гол уришга муваффақ бўлди.

"Кедах" клуби мавсумни учинчи ўринда тугатиб бронза медалларини қўлга киритди.

Ойбек Қиличев ўйнаган "Перак" клуби мавсумни 6-поғонада тугатди. Иккинчи даврада жамоага бориб қўшилган Қиличев 9та ўйинда иштирок этди.

Яна бир ҳамюртимиз Дилшод Шарофетдинов фаолият олиб борган "Т-Тим" клуби чемпионатни 7-ўринда якунлади. Шарофетдинов бу мавсумда жамоаси сафида 20та ўйинда майдонга тушиб рақиб дарвозасига 6та тўп киритди.

18та гол урган "Жохор Дарул Таъзим"нинг аргентиналик ҳужумчиси Хорхе Роландо Перейра Диаз чемпионат тўпурарига айланди. Унинг ҳамюрти ва клубдоши Хуан Мартин Лусеро 16та гол билан иккинчи бўлди. Тўпурарлар пойгасида кучли учликни Франсис Дое Форкей якунлади. Либериялик "Фельда Юнайтед" ҳужумчиси мавсум давомида 15та тўп киритди.

Малайзия Суперлигаси. Якуний жадвал