Лукаку Бельгия терма жамоасига ким бош мураббий бўлиши кераклигини айтди

Бельгия терма жамоаси Қатардаги жаҳон чемпионатини муваффақиятсиз ўтказди ҳамда гуруҳ босқичидан ўта олмади, шундан сўнг Роберто Мартинес бош мураббий лавозимини тарк этди.

"Менимча, Тьерри Анри Белгия терма жамоасининг навбатдаги бош мураббийи бўлади", - деди Лукаку. - Ҳеч қандай шубҳа йўқ, буни ишонч билан айтишим мумкин. Уни футболчилар ҳурмат қилишади, қолаверса, Анри футболда ҳамма нарсага эришган. Бундан ташқари, у қандай шуғуллантиришни ва ўйин ташкил этишни яхши билади. Тьерри Бельгия терма жамоаси бош мураббийи бўлиш учун зарур бўлган барча билимларга эга ва мен уни ушбу лавозимга идеал номзод деб биламан”, - деди 29 ёшли ҳужумчи.