Лука Тони Роналдуни кескин танқид қилди

Ўйиндан сўнг эса Криштиану Роналду ўз футболкасини майдонга отиб юборди. Кўплаб нашрлар у формасини болбойга совға қилиш мақсадида шундай қилгани билан изоҳлади. Шунга қарамай, Италия футболи афсонаси Лука Тонига Роналдунинг бу ҳаракати маъқул келмади.

“Роналду “Ювентус”да жуда муҳим ўйинчи, у лиганинг энг яхши тўпурари. Бироқ, унинг жамоага бўлган муносабатидан мамнун эмасман. Футболчилик фаолиятимда жуда худбин бўлганман, лекин агар гол уролмасам, мен ғалабани жамоа билан нишонлаш учун барибир майдонда қолардим. Ҳис-туйғуларимни ичимга ютардим.

Бу тасодифан содир бўлган ё бўлмаганидан қатъи назар, сен футболкани ота олмайсан, уни бера оласан. Буюк чемпион бошқаларга ўрнак кўрсатиши лозим. Шу орқали Роналду кичик ғийбатлардан ҳам қочган бўларди”, дейди Тони.