Лука Чермель: “Суперлига ва Кубокка бор эътиборимизни қаратамиз”

Хўш, “Сўғдиёна” бундан буёғига қандай мақсадлар сари қадам ташлайди. Буларни билиш истагида жамоанинг сербиялик легионери Лука Чермель фикрларига қулоқ тутдик. 

"Биз рақибдан анча устун эдик. Дейлик, учрашувнинг ҳар бир қисмида улардан устунлик қилдик, финалга хотиржам йўл олишимиз мумкин эди. Тўғриси, бизга омад келмади. Агарда имкониятларимиздан тўғри фойдалана олганимизда, финалга чиқа олардик. Рақиб пенальтига қадар боришни режалаштирган ҳолда ўйнади ва мақсадига эришди. 

ОФК кубогидан чиқиб кетган бўлсак-да, стадионда бизни тинимсиз равишда қўллаб-қувватлаган барча мухлисларимизга миннатдорчилик билдирамиз. 

Эндиликда Суперлига ва Ўзбекистон кубогига эътибор қаратамиз. Айтайлик, Суперлигада медаллар учун курашамиз. Кубокда эса ғолиб чиқиш асосий мақсадимиз. 

“Насаф” билан жуда муҳим ўйин бўлади. Биз узоқ вақтдан бери ғалаба қозона олмадик. Бунга қайсидир маънода психологик сабабларга кўра, шундай бўлди. Бу ўйинда уч очкога ҳаракат қиламиз", - деди Чермель.