Луис Суарес Коутиньо ва Жеррарднинг ёнига қайтиши мумкин

35 ёшли форварднинг Мадрид клуби билан шартномаси ёзда якунланади, шундан сўнг у эркин агентга айланади.

Футболчига бошқа клублар қатори Филиппе Коутиньо тўп сурадиган "Астон Вилла" ҳам қизиқиш билдирмоқда. Жамоани бир пайтлар Суарес ва Коутиньо билан бирга "Ливерпул"да тўп тепган Стивен Жеррард бошқаради.

Уругвайлик футболчига "Аякс", МЛС ва Бразилия клублари ҳам даъвогарлик қилмоқда. Олдинроқ ҳужумчига "Интер" ва "Севилья" клублари қизиқиш билдираётгани ҳақида хабар берилганди.

Суарес жорий мавсум Ла Лигада 26 та ўйинда майдонга тушиб, 9 та гол урди ва 2 та голли узатмани амалга оширди.