Луис Суарес: «Бундай совринларга жамоасиз эришиб бўлмайди»
16 oct 2014 09:51
News

Луис Суарес: «Бундай совринларга жамоасиз эришиб бўлмайди»

«Барселона» ҳужумчиси Луис Суарес «Ливерпуль» сафида 2013/14 йилги мавсум учун «Олтин бутса»ни қўлга киритганидан сўнг ўз фикрларини билдирди.

«Шахсан мен учун – бу фантастика, аммо бундай совринлар жамоасиз қўлга киритилмайди.

Ўтган мавсумдаги энг чиройли голим? Баъзида танлов қийин бўлади, менимча деярли майдон марказидан «Норвич»га урган голим.

Ҳаётимдаги энг муҳим инсонлар хотиним ва фарзандларимга миннатдорчилик билдирмоқчиман», – дейди Суарес.

Эслатиб ўтамиз, уругвайлик футболчи бу совринни «Реал» вакили Криштиану Роналду билан бўлишиб олди. Иккала футболчи ўтган мавсумда 31тадан гол уришди ва 62 баллни қўлга киритишган.

Суарес дисквалификацияни ўтаб бўлиб «Барселона» сафида 25 октябрь куни «Реал» билан баҳсда дебют қилиши мумкин.

Link :

Source : sports.ru

Receive latest football news directly on your phone. Subscribe for our Telegram channel!

Rating: