Луис Энрикенинг ПСЖдаги келажаги аниқ

Хабар беришларича, парижликлар испаниялик мутахассисга 2030 йилнинг ёзигача мўлжалланган янги шартнома таклиф қилган.

Манбага кўра, томонлар ўртасидаги музокаралар якуний босқичга яқинлашган. Бу эса Энрикенинг амалдаги шартномаси 2027 йилда якунланиши ва унинг кетиши мумкинлиги ҳақида аввал тарқалган хабарларга қарамай, амалга ошмоқда. Қайд этилишича, бош мураббий Парижда ўзини қулай ҳис қилмоқда ва келаси мавсумга тайёргарликка тўлиқ эътибор қаратиш учун келажагини имкони борича тезроқ ҳал қилишни истайди.

ПСЖда янги шартнома муддати бежиз танланмагани таъкидланмоқда. Клуб спорт директори Луиш Кампушнинг амалдаги битими ҳам 2030 йилда якунланади ва "қизил-кўклар" раҳбарияти бошқарув ҳамда мураббийлар барқарорлигини бир неча йил олдиндан таъминлашни мақсад қилган.

Яқин вақт ичида битим узайтирилгани ҳақида расмий эълон чиқиши кутилмоқда.