Луис Энрике “Барселона”нинг янги бош мураббийи бўлади

Айни пайтда Вигонинг “Сельта” жамоасини бошқараётган истеъдодли мутахассис ўзи учун катта чорловга розилик берган.

Onda Cero маълумотига кўра, 43 ёшли мураббий каталонияликлар раҳбарияти билан келишувга эришди. Энрике билан “анорранглилар” спорт директори Андони Субисаррета музокара олиб борди. Роппа-роса икки ярим соат давом этган учрашув якунида томонлар ўзаро бир тўхтамга келишган.

Ўз ўрнида “Сельта” клуби раҳбарияти ҳам Энрикенинг “Барселона”га кўчиб ўтишига қаршилик қилмайди. Таъкидлаш жоиз, Энрике “Барселона”нинг ёшлар жамоаси билан ишлашга улгурган ва шундан сўнг “Рома”га кўчиб ўтганди.