Луческу Азар қилган ишни такрорлади
24 sep 2013 15:54
News

Луческу Азар қилган ишни такрорлади

“Шахтер” клуби бош мураббийи Мирча Луческу, Украина чемпионати 9-тур доирасида “Карпати”га қарши ўйин пайтида (2:3) "болбой"га нисбатан қўпол муносбатда бўлди.

Руминиялик мутахассис тўпни олиб бераётган Львов клуби тарбияланувчисини туртиб юборди.

- Иккинчи мураббий мендан тўпни олиб унга беришимни сўради. Мирча Луческу эса мени туртиб юборди, - "болбой"нинг сўзларини келтиради "ТСН".

Бу вазият майдондаги бирорта телекамерада тасвирга тушмаган. Бироқ техник видео тасвирда Луческунинг ёрдамчиси тўпни қўлида ушлаб турган вазиятда, "болбой" ҳақиқатдан ҳам тўпсиз тургани кўринган.

Эслатиб ўтамиз, январь ойида “Челси” клуби ярим ҳимоячиси Элен Азар Англия лига Кубоги доирасида “Суонси”га қарши ўйин пайтида Чарли Морган исмли 17 ёшли тўп олиб бериб турадиган болакайни оёғи билан тепиб юборган.

Link :

Source : sports-express.ru

Receive latest football news directly on your phone. Subscribe for our Telegram channel!

Rating: