Лопетегининг агенти: "Ҳеч қандай суд жараёни бўлмаяпти"
07 mar 2019 16:40
News

Лопетегининг агенти: "Ҳеч қандай суд жараёни бўлмаяпти"

"Реал" собиқ бош мураббийи Хулен Лопетегининг агенти Карлос Бусеро ўз "твиттери"да мутахассис ҳеч ким билан судлашмаётганини эълон қилди.

Олдинроқ, испаниялик мутахассис собиқ клуби билан судлашаётгани, Лопетеги "Реал"дан шартнома бекор қилингани учун 28 млн. евро - уч йиллик маошини талаб қилаётгани ҳақида хабарлар эълон қилинган эди.

"Реал" билан шартномани бекор қилишга 5 дақиқа вақт кетди ва иккала томон илиқ муносабатларни сақлаб қолди. Барча шартлар битимда ёзилган ва ҳеч қандай суд жараёни бўлаётгани йўқ" - деб ёзди Бусеро.

"Реал" 2018 йилнинг октябрида мутахассис билан келишувни бекор қилган эди. Мутахассис Мадрид клубида бор-йўғи 4 ой ишлади. Жамоа унинг қўл остида 17 йил ичида илк марта ЛаЛига турнир жадвалида саккизинчи ўриндан пастга тушди ва "Реал"даги сўнгги ўйинида "Барселона"га 1:5 ҳисобида мағлуб бўлди.

Link :

Source : twitter.com/cbucero

Receive latest football news directly on your phone. Subscribe for our Telegram channel!

Rating: +3