“Локомотив”нинг Ар Риёддаги дастлабки машғулоти (ФОТО)
16 may 2016 12:20
News

“Локомотив”нинг Ар Риёддаги дастлабки машғулоти (ФОТО)

Кеча тушдан сўнг Саудия Арабистонининг пойтахти Ар Риёд шаҳрига етиб келган “Локомотив” футболчилари кечанинг ўзида дастлабки машғулотни ўтказди.

Машғулот “Ал Ҳилол” клубига қарши майдонлардан бирида ташкил этилди.

Машғулотда жамоа билан ташриф буюрган барча футболчилар иштирок этишди. Маълумки, Ар Риёд вақти Тошкент вақтидан роппа-роса икки соат фарқ қилади.

Бугунги кун тартибидан одатга кўра ўйинолди расмий тадбирлар ўрин олган. Дастлаб маҳаллий вақт билан соат 16:30да (Тошкент вақти билан 18:30) ҳар иккала клуб вакиллари, шунингдек учрашув расмийлари иштирокида митинг ташкил этилса, 17:45да матбуот анжумани бошланади. Ҳар иккала тадбир ҳам “Ал Ҳилол” клубида бўлиб ўтади.

Бугунги расмий машғулот ўйин бўладиган “Қирол Фаҳд” халқаро стадионида олиб борилади. “Локо”нинг ўйинолди машғулоти соат 20:00да бошланади.