"Локомотив" "Пахтакор"дан ўн очкога ўзиб кетди
13 may 2016 15:16
News

"Локомотив" "Пахтакор"дан ўн очкога ўзиб кетди

Олий лиганинг навбатдаги турида "Пахтакор"га қарши баҳс олиб борган "Локомотив" 1:0 ҳисобида ғалаба қозонди.

Учрашувнинг 12-дақиқасида Темурхўжа Абдухолиқов томонидан киритилган гол якунда "Локо"га навбатдаги уч очкони тақдим этди.

Ушбу ғалабадан сўнг "Локомотив" ҳисобидаги очколар сони 25тага етди ва амалдаги чемпион "Пахтакор"дан 10 очкога ўзиб кетди. Негаки "Пахтакор" ҳисобида 15 очко мавжуд.

"Локомотив" бу йил ҳисобидан ҳозирча ўз майдонида (олий лигада) тўртта учрашув ўтказиб, барчасида ғалаба қозонди. "Нефтчи" (4:0), "Машъал" (3:1), "Олмалиқ" (4:0) ва "Пахтакор" (1:0). Мана шу тўрт беллашувда "темирйўлчилар" 12та гол уриб, ўз дарвозаларидан атиги битта тўп ўтказиб юборишди.

"Пахтакор" эса кеча сафарда тўртинчи ўйинини ўтказди. Жамоа сафарда ҳозирча ғалаба нашидасини сургани йўқ. "Пахтакор" ҳисобида икки дуранг ва икки мағлубият бор. Бундан ташқари, "Пахтакор" сафарда кечган "Бухоро", "Бунёдкор" ва "Локомотив" билан бўлган ўйинларда тўп кирита олмади.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +4