«Локомотив» ОАВ вакилларини матбуот анжуманига чорлайди
06 feb 2014 13:35
News

«Локомотив» ОАВ вакилларини матбуот анжуманига чорлайди

Хабарингиз бор, 8 февраль куни «Локомотив» клуби Осиё Чемпионлар лигаси саралаш баҳслари доирасида Қувайтнинг «Қувайт спорт клуб» жамоаси билан куч синашади.

Анъанага кўра учрашувдан бир кун аввал иккала жамоа бош мураббийлари ва биттадан футболчи иштирокида матбуот анжумани ўтказилади.

«Локомотив» - «Қувайт СК» учрашувидан олдинги матбуот анжумани 7 февраль куни соат 13:00да «Пахтакор» марказий стадионининг матбуот анжуманлари хонасида бошланади. Унда дастлаб «Қувайт СК» бош мураббийи, руминиялик Ион Марин ҳамда бир нафар футболчи иштирок этади.

Анжуманнинг иккинчи қисмида эса «Локомотив» бош мураббийи вазифасини бажарувчи Ҳаким Фузайлов ҳамда жамоамиз етакчиси Ислом Тўхтахўжаевлар ҳозир бўлишади ва оммавий ахборот воситалари ходимларининг саволларига жавоб қайтаришади. Барча ОАВ вакилларини матбуот анжуманига таклиф этамиз.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: