"Локомотив" мухлисларни эшитишга тайёр, биз билан боғланинг

Натижада актёр ўз ролини қойиллатиб ижро қила олмайди, ўз ролини маромида етказиб ўйнаши учун эса унга залда ўтирган томошабин олқиши кўмак беради.

Футболда ҳам шундай: стадионга қанча кўп ишқибоз келса, ўйин ҳам шунга яраша кескин кечади, футболчилар жон койитиб ҳаракат қилишади. "Локомотив" футбол клуби жорий мавсум ҳам ўз олдига юқори мақсадларни қўйганидан хабарингиз бор. Бунинг учун жамоа қадам-бақадам ўсишга, янада ривожланишга интилиб келмоқда. Лекин ҳар бир жамоа фаолиятида мухлисларнинг қўллаб-қувватлаши, одамларнинг эътибори катта роль ўйнайди.

Биз "Локомотив" футбол клубига беэътибор бўлмаган кўп сонли мухлисларнинг талаб ва истакларидан келиб чиққан ҳолда ишқибозлар учун алоҳида электрон почта қутиси ташкил қилдик. Энди сиз бемалол ушбу электрон манзил (lokomotiv.fans@mail.ru) орқали клуб раҳбариятига ўз таклифингиз ҳамда ўзингизни қизиқтирган саволлар билан мурожаат қилишингиз мумкин. Раҳбарият имкон қадар ҳар бир савол ва таклифни атрофлича ўрганиб чиқади ва шунга монанд жавоб беради. Зеро, биз "Локомотив"га мухлислик қиладиган ҳар бир кишини диққат билан эшитишга тайёрмиз. Ўз олдига Ўзбекистон чемпиони бўлиш вазифасини қўйган "Локомотив" учун мухлислар кўмаги ниҳоятда зарур. Шундай экан, ўйин кунлари стадионга келиб бизни қўллаб-қувватланг ва клуб раҳбариятига қандай саволларингиз бўлса, қуйидаги электрон почта орқали мурожаат қилинг.

Электрон манзилимиз: lokomotiv.fans@mail.ru