“Локомотив” футболчилари Мирко Йеличични табриклашди
16 may 2016 15:09
News

“Локомотив” футболчилари Мирко Йеличични табриклашди

Бугун “Локомотив” футбол клуби мураббийлар штабида фаолият олиб бораётган Мирко Йеличич ўз туғилган кунини нишонламоқда. Австралиялик мутахассис бугун 51 ёшни қарши олди.

Шу муносабат билан “Локомотив” футболчилари Ар Риёддаги “Marriott” меҳмонхонасида Йеличични табриклашди. Футболчилар номидан жамоа сардори Темур Кападзе сўз олиб, мураббийни таваллуд айёми билан табриклади ҳамда “Ал Ҳилол” майдонидан ижобий натижа билан қайтиш унга энг катта совға бўлишини айтиб ўтди.

“Локо” футболчилари шунингдек, меҳмонхона спорт залида чигалёзди машқларини ўтказишди. Жамоамиз аъзолари кечки пайт маҳаллий вақт билан соат 20:00да “Қирол Фаҳд” стадионида машулот олиб боришади.