"Локомотив" фахрийларни эъзозлайди
28 apr 2015 11:02
News

"Локомотив" фахрийларни эъзозлайди

Бу йил муҳтарам юртбошимиз томонидан "Кексаларни эъзозлаш йили" деб номланганидан барчанинг хабари бор.

Шу муносабат билан жойларда қарияларни эъзозлаш, уларнинг ҳурматини жойига қўйиш ҳамда уларга нисбатан иззат-икромда бўлиш учун турли тадбирлар ташкил қилинмоқда.

Олий лиганинг 6-туридан ўрин олган "Локомотив" - "Пахтакор" учрашувидан олдин "2015 йил - Кексаларни эъзозлаш йили"га бағишлаб кичик тадбир ташкил этилди. Бунда ҳар иккала жамоа футболчилари бир гуруҳ ЎФФ фахрийлар кенгаши аъзоларини табриклашди ва "Локомотив" футбол клуби томонидан тайёрланган совғаларни улашишди.

Тадбирга ўзбек футболида ўзига хос из қолдирган Вячеслав Солохо, Вилгельм Қаҳҳоров, Равшан Юнусов, Биродар Абдураимов, Тўлаган Исоқов, Владимир Штерн, Аҳрол Иноятов, Шамил Яфаров каби футболимиз фахрийлари ташриф буюришди. Фахрийларга эҳтиром кўрсатиб, уларни ушбу тадбирга таклиф этгани учун ЎФФ фахрийлар кенгаши раиси Наримон Жалолов "Локомотив" футбол клуби раҳбариятига алоҳида миннатдорчилик билдирди.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: