"Локомотив" - "Ал Садд". Бош ҳакам ҳақида

1973 йилда туғилган Ким Донг Жин жамоаларимиз иштирокидаги 10та ўйинда ишлаган. 6тасида вакилларимиз ғалаба қозонишган, бир учрашувда дуранг қайд этилган ва бир марта мағлуб бўлишган.

Ким Донг Жин бошқарган ўйинларни эслаб ўтамиз: ЖЧ-2010 саралаши доирасидаги Сингапурга қарши Тошкентдаги ўйинда терма жамоамиз 1:0 ҳисобида зафар қучганди. 2012 йилги Олимпиада саралашида Тошкентда Ироқ олимпиячилари 2:0 ҳисобида таслим қилинган.

ОЧЛ-2009 гуруҳ босқичида "Пахтакор" Саудия Арабистонида "Ал Ҳилол" меҳмони бўлган ва 0:2 ҳисобида ютқазиб қўйган. Чорак финалда "Ал Иттиҳод"га имконият бой берилган - 0:4.

ОЧЛ-2008 гуруҳ босқичида "Бунёдкор" Сурияда "Ал Иттиҳод" меҳмони бўлиб 2:0 ҳисобида зафар қучган. 2009 йилги ОЧЛда "Бунёдкор" 1/8 финалда "Персеполис"ни Эронда 1:0 ҳисобида таслим қилган. Кейинги йил гуруҳ босқичида "қалдирғочлар" Тошкентда БААнинг "Ал Ваҳда" клубини 4:1 ҳисобида мағлуб этишган. Ниҳоят ўтган йил "Бунёдкор" Саудия Арабистонида "Ал Фатҳ" билан дуранг ўйнаган - 0:0. Шу йил ОЧЛ 3-турида “Бунёдкор” Эроннинг “Персеполис” клубини қабул қилди. Ўша ўйинда форслар 1:0 ҳисобида муваффақият қозонишди.

Айнан шу ҳакам 2011 йилги ОФК кубоги финалида ишлаган. Қаршида ўтган баҳсда "Насаф" "Қувайт СК"ни 2:1 ҳисобида мағлуб этгани барчанинг ёдида.

ОЧЛ. 4-тур. "C" гуруҳи
“ЛОКОМОТИВ” – “АЛ САДД”
8 апрель 2015. Тошкент. “Локомотив” стадиони. 16:00
Бош ҳакам: Ким Донг Жин (Ж.Корея)
Қанот ҳаками 1: Чой Мин Бёнг  (Ж.Корея)
Қанот ҳаками 2: Банг Ги Ёл (Ж.Корея)
Захира ҳаками: Сивакорн Пу-Удом (Таиланд)
Ҳакамлар эксперти: Абдулраҳмон Ал Зайед (С.Арабистони)
Учрашув комиссари: Др. Ту Ксилианг (Хитой)