"Локомотив" Аҳвазда, ўйиндан олдинги митинг ва матбуот анжумани ҳақида
04 may 2015 19:05
News

"Локомотив" Аҳвазда, ўйиндан олдинги митинг ва матбуот анжумани ҳақида

Хабар бериб ўтганимиздек, "Локомотив" футбол клуби чартер рейс орқали бугун кундузи Тошкентдан Эроннинг Аҳваз шаҳри томон парвоз қилди.

Эртага "темирйўлчилар" Осиё чемпионлар лигасининг 6-туридан ўрин олган баҳсда "Фуладга қарши майдонга тушишади.

Аҳвазга парвоз уч соатдан сал ошиқроқ вақтни олди. Ҳамма соғ-саломат манзилга етиб келди. "Локомотив" делегацияси шаҳардаги энг машҳур меҳмонхона - "Pars Hotel"да жойлашди. Бугун эртанги ўйин олдидан одатдагидек ҳар иккала жамоа менежерлари иштирокида митинг ҳамда ўйинолди матбуот анжумани бўлиб ўтди. Ҳар иккала тадбир учрашув бўлиб ўтадиган "Гадир Стэдиум"да ташкил қилинди.

Митинг давомида шу нарса аниқ бўлдики, "Локомотив" эртага оқ рангли либосда тўп тепади. Майдон эгалари эса ўзларининг анъанавий қизғиш ранг футболкаларида ўйнашади. Ўйиндан олдин ўтказилган матбуот анжуманида жамоа бош мураббийи Вадим Абрамовга 11-рақамдаги ҳужумчимиз Темурхўжа Абдухолиқов ҳамроҳлик қилди.

Вадим Абрамов "Гарчи иккала жамоа турнир билан хайрлашган бўлса-да, учрашув қизиқ кечишини" айтиб ўтган бўлса, Темурхўжа Абдухолиқов "Тошкентда дуранг ўйнаб қўйганимиз учун бу сафар ғалаба қозонишга ҳаракат қилишимиз"ни билдирди.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: