Latest news

12:45Ўзбекистон терма жамоаси октябрь ойида Малайзияда Уругвай билан ўйнайди   2 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  2 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5 10:15"Ньюкасл" "Реал" футболчисига 100 миллион евро таклиф қилди  1 09:43Испания терма жамоасининг бўлажак ўйинлар учун таркиби маълум  4 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  10 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  17 01:49А Серия. "Милан" мавсумдаги илк ғалабасини қўлга киритди  1

"Локо" "Пахтакор" ва "Бунёдкор" уддалай олмаган ишни бажарадими? News

"Локо" "Пахтакор" ва "Бунёдкор" уддалай олмаган ишни бажарадими?

"Локомотив" ОЧЛ 2-тур доирасида Эроннинг "Зоб Аҳан" жамоасига қарши Исфаҳонда ўйин ўтказади.

"Темирйўлчилар" Эронга 20 нафар футболчи билан йўл олишди. "Локомотив"да муҳим баҳс олдидан жиддий йўқотиш мавжуд. "Локомотив"нинг бразилиялик легионер ҳужумчиси Нивалдо жароҳати боис Исфаҳонга жамоа билан бирга учмади. Дастлабки турдаги беллашувда кам дақиқа ўйнаганига қарамасдан, муҳим голни урган ва қисқа вақт ичида илиқ таассурот қолиришга муваффақ бўлган футболчининг йўқлиги "темирйўлчилар" учун йўқотиш дейиш мумкин. Лекин "Локомотив"нинг ҳужум чизиғидаги кучли рақобат Нивалдони йўқлигини билинтирмаслигига умид қиламиз.

"Темирйўлчилар"нинг ОЧЛдаги ўйинларига назар ташлайдиган бўлсак, жамоа атига бир бор сафарда ғалаба қозонишни уддалаган. Ўшанда "Локо" айнан Эронда Бикмаев ва Мирзаевнинг голлари эвазига "Сепахон"дан устун келганди.
Шунингдек, жамоа ОЧЛда сафардаги охирги беш ўйиндан буён рақиб дарвозасини ишғол этолмаяпти. Умид қиламизки, ушбу нохуш серияга Исфаҳонда барҳам берилади.

Микляев ва Йеличич тандеми бошқарувидаги "Локо" жорий мавсумда ОЧЛни ҳар доимгиданда бошқача бошлади. Биринчи турдаги йирик ва ишончли ғалаба "темирйўлчилар"га бутун мусобақа давомида кўтаринкилик бағишлаши мумкин. Чунки "Локомотив" бунга қадар ОЧЛни ҳеч қачон ғалаба билан бошламаганди.

Рақиб "Зоб Аҳан" ҳақида тўхталадиган бўлсак, эронликлар ички чемпионатда айни вақтда иккинчи ўринда боришмоқда. Жамоага таниқли мутахассис Амир Ғалинои мураббийлик қилади. "Зоб Аҳан" тўп билан муомулада бўлиб, кўпроқ пас ўйнашни хуш кўрадиган жамоа ҳисобланади. Техник жиҳатдан исфаҳонликлар анча кучли. Ҳужумкор ва тажовузкор футбол намойиш этадиган "Зоб Аҳан" ўз уйидаги учрашувларни юқори даражада ўтказади. Рақибни зарарсизлантиришнинг энг осон йўли - "Зоб Аҳан"ни имкон қадар тўпсиз қолдиришга эришиш.

"Зоб Аҳан" шу кунга қадар ўзбек жамоалари билан 4 бор гуруҳ босқичида тўқнаш келган. Ўз майдонида кечган барча баҳсларда исфаҳонликлар "Пахтакор" ҳамда "Бунёдкор"ни мағлуб этишган. Ушбу натижанинг ўзиёқ рақибни қанчалик жиддий жамоа эканлигини англатиб турибди. Умид қиламизки, "Локомотив" "Зоб Аҳан"нинг ўзбек жамоаларига қарши Эронда бўладиган учрашувлардаги ёқимли сериясига нуқта қўяди.

Микляев ва Йеличич рақибнинг уч нафар футболчилари - Ражабзадеҳ, Табризи ва Киросдан эҳтиёт бўлишлари лозим. Айниқса марказда ўйнайдиган Ражабзадеҳ юқори техник салоҳиятга эга ва "Зоб Аҳан"нинг ўйинини бошқарадиган етакчи фигура саналади.

"Локомотив" биринчи турда "Ал Ваҳда"га ҳеч қандай имконият қолдирмаганди. "Зоб Аҳан" эса Қатарда "Ал Дуҳаил"дан мағлуб бўлди. "Зоб Аҳан" гуруҳдаги вазиятни ўнглаш учун фақатгина ғалаба учун курашади. "Локомотив" эса пешқадамликни сақлаб қолишни кўзлаётгани аниқ. Қатардан ярадор бўлиб қайтган "Зоб Аҳан" "Локо"га "Ал Ваҳда"дан кўпроқ ташвиш туғдириши аниқ. "Локомотив" мураббийлар штаби эса бунга қарши керакли чора кўришларига ишониб қоламиз.

Муҳими, "Локомотив" қурғони тажовузкор "Зоб Аҳан"нинг ҳужумларига дош берса бўлгани. Қарши ҳужумда эса "темирйўлчилар" тезюрар поездек ҳаракат қила олиш салоҳиятига эгалар. Чунки "Локо"нинг қанотларидаги сардорлари яшил майдонда рельсга тушгандек тезлик билан ҳаракатланишади.

Умид қиламизки, "Локомотив" Исфаҳонда "Пахтакор" ва "Бунёдкор" уддалай олмаган ишни бажаради.

Rating: +45   

Comments

championat.asia
< show latest news
Яндекс.Метрика