"Ливерпуль" Уолкоттни Стерлингнинг ўрнига олмоқчи
22 mar 2015 16:29
News

"Ливерпуль" Уолкоттни Стерлингнинг ўрнига олмоқчи

"Ливерпуль" "Арсенал" ярим ҳимоячиси Тео Уолкоттни жамоани тарк этиши кутилаётган Раҳим Стерлингнинг ўрнига ўринбосар сифатида кўрмоқда.

26 ёшли Уолкоттнинг "канонирлар" билан шартномаси кейинги ёзда тугайди. "Арсенал" бош мураббийи Арсен Венгер Тео билан келишувни узайтириш жуда қийин бўлишини айтганди.

Уолкотт сўнгги пайтларда деярли майдонга тушмаяпти. Мураббий қанотда Данни Уэлбек ёки Алексис Санчесдан фойдаланмоқда.

20 ёшли Стерлинг ҳамон "Ливерпуль" билан 2017 йилда тугайдиган шартномани узайтириш борасида келиша олмаяпти. Раҳимга "Реал", "Манчестер Сити", "Бавария" ва "Челси" клублари қизиқишмоқда, мерсисайдликлар қобилиятли футболчининг ўрнига бошқа футболчини олиб келишмоқчи.

The Telegraph нашрининг хабарига кўра "қизиллар" эътиборни Уолкоттга қаратишди, у керакли вақтда қанотда ҳам, ҳужумда ҳам ўйнай олади.

Клуб бош мураббийи Брендан Рожерс Уолкоттнинг мухлиси ҳисобланади. 2013 йилда "Ливерпуль" Теони сотиб олмоқчи бўлганди. Аммо ўшанда футболчи "Арсенал" билан шартномани узайтиришга қарор қилганди.

Link :

Source : fapl.ru

Receive latest football news directly on your phone. Subscribe for our Telegram channel!

Rating: