"Ливерпуль" собиқ ҳимоячиси Грузия клубига ўтмоқда
12 jun 17:42
News

"Ливерпуль" собиқ ҳимоячиси Грузия клубига ўтмоқда

"Ливерпуль" ва Франция терма жамоаси собиқ футболчиси Мамаду Сако Грузиянинг "Торпедо" Кутаиси жамоасига ўтишга рози бўлди.

Бу ҳақда жамоа сайтида хабар берилган.

34 ёшли ҳимоячи тиббий кўрикдан ўтиш учун 12 июнь куни Грузияга келади. Эртаси куни тақдимот маросими режалаштирилган.

Саконинг сўнгги клуби "Монпелье" бўлиб, у 2021 йилдан буён шу жамоада ўйнаган. 2023 йилнинг ноябрида бош мураббий Мишел Тер-Закарян билан жанжалдан кейин шартномани бекор қилганди.

Аввалроқ Сако ПСЖ, "Ливерпуль" ва "Кристал Пэлас" клубларида ўйнаган. У Франция терма жамоаси сафида 29 ўйин ўтказиб, 2 та гол урган ва ЖЧ-2014да ҳам қатнашган

"Торпедо" ўтган мавсум Грузия чемпионатида иккинчи ўринни эгаллади ва Конференция Лигасининг саралаш босқичида иштирок этади.

Link :

Source : torpedo.ge/ka

Receive latest football news directly on your phone. Subscribe for our Telegram channel!

Rating: +1