"Ливерпуль" ўртоқлик ўйинида "Престон Норт Энд"ни мағлуб этди
13 jul 2025 22:21
News

"Ливерпуль" ўртоқлик ўйинида "Престон Норт Энд"ни мағлуб этди

"Престон Норт Энд" ҳамда "Ливерпуль" жамоалари ўртасидаги ўртоқлик учрашуви якунига этди.

Ўйин мерсисайдликлар фойдасига 3:1 ҳисобида якунланди. Учрашув Престондаги "Дипдейл" стадионида бўлиб ўтди.

Учрашувнинг 33-дақиқасида Конор Брэдли ҳисобни очиб, "қизиллар"ни олдинга олиб чиққан бўлса, 53-дақиқада Дарвин Нуньес жамоасининг иккинчи голига муаллифлик қилди. 83-дақиқада Лиам Линдсей "Престон" учун битта голга жавоб берди. Учрашувнинг 88-дақиқасида Коди Гакпо "Ливерпул"нинг учинчи голини урди.

Ўтган мавсум якунларига кўра "Ливерпуль" Англия чемпионига айланди. "Престон Норт Энд" 50 очко билан Чемпионшип турнир жадвалида 20-ўринни эгаллади.

Мерсисайдликлар навбатдаги ўйинда 26 июль куни "Милан"га қарши майдонга тушса, Ланкашир жамоаси кейинги ўйинда 18 июль куни "Хетафе" билан тўқнаш келади.