"Ливерпуль" норвегиялик вундеркинд учун курашда фаворит
05 dec 2014 14:43
News

"Ливерпуль" норвегиялик вундеркинд учун курашда фаворит

Жаҳон футболининг вундеркинди 15 ёшли Мартин Эдегор пайшанба куни "Ливерпуль" базасида бўлди.

Эдегор Европа чемпионати саралаши доирасидаги ўйинда майдонга тушган энг ёш футболчи бўлди. Мартин 15 ёш 300 кунлигида Норвегия термаси сафида Болгарияга қарши ўйнаганди.

Европанинг бир қатор клублари норвегиялик болакай учун миллионлаб пул тўлашга тайёр. Даъвогарлар орасида "Реал", "Бавария", "Манчестер Юнайтед" ва "Боруссия" каби клублар бор.

17 декабрда Эдегор 16 ёшга тўлади ва илк профессионал шартномасини тузиши мумкин. The Telegraph нашрининг хабарига кўра, айни пайтда Мартин учун курашда "Ливерпуль" фаворит.

Мартин ва унинг отаси анчадан буён "Ливерпул"нинг ашаддий ишқибозлари ҳисобланади, пайшанба куни Мерсисайд клуби унга "Энфилд" стадиони ва база бўйлаб махсус экскурсия ўтказди. Яқин орада Эдегор ўз келажаги борасида якуний қарор чиқаради.

Link :

Source : fapl.ru

Receive latest football news directly on your phone. Subscribe for our Telegram channel!

Rating: