"Ливерпуль" Мукокони таъқиб қилишдан тўхтамайди

Германиялик 18 ёшли форвард учун рақобатда "Челси"нинг устунлигини тан олиш шарт. Унинг учун навбатда турганлар орасида "Манчестер Юнайтед", "Ливерпуль", "Барселона" ва "Ньюкасл" клублари ҳам бор. Мерсисайд клуби ушбу курашда ғолиб чиқиш учун ҳаракат қилишда давом этади. Унинг немис клубидаги шартномаси келаси мавсумда якун топиши туфайли Европанинг кўплаб жамоалари уни ўзига жалб қилишга уринмоқда.

"Ливерпуль" немис футболчиси вакиллари билан музокаралар олиб борди ва январгача аниқ таклиф билан чиқишлари кутилмоқда.

Мукоко 2020 йилда 16 ёшли ўйинчи сифатида дебют қилганидан бери 59 та ўйинда 11 та гол урди ва 8 та голли узатмани амалга оширди.

У жорий мавсум Бундеслига клуби таркибида атиги 766 дақиқа ҳаракатланиб, 6 та гол урди. Бу унинг Германия терма жамоаси сафида Қатардаги Жаҳон чемпионатида иштирок этиш чақирувини олишига етарли бўлди.